बालेन शाह र कुमार बेनबीच सामाजिक सञ्जालमा रोचक सवाल–जवाफ, ‘सही समय’देखि पत्रकारसम्मको चर्चा!

प्रधानमन्त्री बालेन्द्र शाह (बालेन) र उनका सल्लाहकारका रूपमा चिनिएका कुमार बेन बीच सामाजिक सञ्जालमा भएको रोचक सवाल–जवाफले चर्चा पाएको छ। बालेनले फेसबुकमा “सही समय आएपछि, सबैको गलत समय आउँछ, एकदुई जना उफ्रिन्छु भनेर सपना नदेखे हुन्छ!” भन्दै पोस्ट गरेपछि कुमार बेनले “सही समय भनेको कहिले हो, शनिबार आइतबार हो?” भनेर व्यंग्यात्मक टिप्पणी गरेका थिए। उक्त टिप्पणीमा हजारौं प्रयोगकर्ताले प्रतिक्रिया जनाएका छन्। बालेनको अभिव्यक्ति कसप्रति लक्षित थियो भन्ने स्पष्ट नभए पनि दुवैबीचको संवादले सामाजिक सञ्जालमा विभिन्न अड्कलबाजी र बहस जन्माएको छ।

यसअघि कुमार बेनले “यो २८ जना पत्रकारमा को को पर्यो हो। २८ मा नपर्ने नि के पत्रकार भन्नु हैन साथी हो।” भन्दै केही पत्रकारलाई मेन्सन गरेर फेसबुकमा पोस्ट गरेका थिए। त्यसमा बालेनले “Koupondole Jaane matra Patrakar? Aru Kalakaar?” अर्थात् “कुपण्डोल जाने मात्र पत्रकार? अरू कलाकार?” भनेर प्रतिक्रिया दिएका थिए। पत्रकार र कलाकारको प्रसंग जोडिएको उक्त टिप्पणीलाई लिएर पनि प्रयोगकर्ताबीच विभिन्न व्याख्या भइरहेका छन्। यद्यपि ‘२८ जना पत्रकार’ भन्ने प्रसंगको वास्तविक पृष्ठभूमि र दुवैको अभिव्यक्तिको आशय स्पष्ट भइसकेको छैन।

प्रधानमन्त्री र उनीसँग निकट मानिने व्यक्तिबीच सार्वजनिक रूपमै यस्ता व्यंग्यात्मक टिप्पणी आदानप्रदान हुनु आफैंमा चासोको विषय बनेको छ। कतिपयले यसलाई सामान्य हाँसोठट्टा र आपसी मित्रवत् संवादका रूपमा हेरेका छन् भने कतिपयले राजनीतिक तथा सञ्चार क्षेत्रतर्फ लक्षित संकेत हुन सक्ने अनुमान गरेका छन्। आखिर बालेनले भनेको ‘सही समय’ के हो र कुमार बेनको व्यंग्य कसप्रति लक्षित छ? यसको वास्तविक अर्थ उनीहरूले नै स्पष्ट पार्न सक्नेछन्।

तपाईंलाई के लाग्छ—यो सामान्य रमाइलो सवाल–जवाफ हो कि कुनै गम्भीर सन्देशको संकेत?

Inside The Story | Nepal Politics

#BalenShah #KumarBen #NepalPolitics #SocialMedia #InsideTheStory